Чытаю твае віншаванні
з навагодняй паштоўкі.
Пастаўлю паштоўку на стол,
і вып’ю горкай настойкі.
Раскручаны час-махавік
ня спыніцца на хвіліну -
зязюля працягне лік
і светласць мелодый нахлыне.
Сьвяточны горад ня спіць,
салютам квітнее неба,
І новы год прыляціць
надзею з’яднаць з сусьветам.
Пачуеш мяне, бо лягчэй
душою здалёк убачыць,
калі я з тваіх вачэй
сьлязой паплыву гарачай.
