* * *
Санта Марыя Салютэ
зоркай гарыць над вадой…
Мне, што пазбегнуў пакутаў,
дорыць чароўны настрой.
І беражэ мае мары,
памяццю спечанай гліны,
і бірузовыя хвалі
дорыць свабодай імклівай.
Санта Марыя Салютэ
з светласцю лёс успрымае…
Венецыянскім салютам
у небе святлом ажывае.
Быццам з прасторы узяты,
сёняшні вечар чаруе,
а прыгажосць дзіўным святам
час раскалёны ратуе.
Венецыя. Сабор Санта Марыя делла Салюте.
