Канадыйская восень
Канадыйская восень,
Кожны год, кожны раз
Хараство дамінуе
Прыпыняючы час.
Сонца вельмі высока,
Жоўты край небасхілу,
Клёны, букі і сосны -
Усё здаецца адзіным.
У цішыню і бясконцасьць
Адыходзіць дарога,
Каляровасьць імгненьняў
Набліжае да Бога.
Птушкі крыкам зычлівы
Прадракаюць мой лёс,
Я хачу адарвацца,
Каб дастаць да нябёс.
Posted by shametka 
